"သူကြီးဘုရား ရွာသားကောင်းမှု”
ရှေးအခါက ရွာလေးတစ်ရွာတွင်
ကိုးကွယ်စရာဘုရားစေတီ မရှိသောကြောင့်
ရွာအတွင်းမှ လူငယ်တစ်စုဟာ ဖူးမြော်ကိုးကွယ်စရာ စေတီဘုရားတစ်ဆူ တည်ထားကိုးကွယ်ရန် တိုင်ပင်၍ ရွာသူရွာသား အပေါင်းတို့အား လိုက်လံတိုက်တွန်းနိုးဆော်ကြလေသည်။
ရွာသားအပေါင်းတို့လဲ ဗုဒ္ဓဘာသာဝင်များပီပီ အားလုံးကအားတက်သရော ဝိုင်းဝန်းထောက်ခံကြသည်။
ဒါနဲ့လူတစ်စုလဲ ရွာသူရွာသားများတို့၏
ဆင်းဆင်းရဲရဲလုပ်ကိုင်ရှာဖွေရာမှ မိမိတို့၏
ချွေးနဲစာလေးတို့ဖြင့် လှူဒါန်းထားသော
ငွေတစ်စုကိုင်ကာ သူကြီးလုပ်သူအား
ဘုရားတစ်ဆူတည်ထားကိုးကွယ်မည့်အကြောင်း ပြောကြလေသည်။
သူကြီးလုပ်သူလဲ ရွာသားတို့၏စေတနာ
ထက်သန်စွာ လှူဒါန်းထားသောငွေကိုယူကာ
သူသဘောတူကြောင်းထောက်ခံလေသည်။
ရွာသူရွာသား အပေါင်းတို့လဲ ငွေပါဝင်
လှူဒါန်းရုံသည်မဟုတ် စေတီတည်သောအခါ
အားတက်သရော လုပ်အားဒါနပြုကြလေသည်။ သူကြီးလုပ်သူကတော့ ရေနွေးကြမ်းလေး သောက်လိုက် အမြည်းလေးစားလိုက်နဲ့
အုတ်တစ်ချပ်၊သဲတစ်ပွင့်တောင် လုပ်အား
ဒါနမပြုပေ။
ဒီလိုနဲ့ ဘုရားတည်ပြီးသောအခါ ထီးတော်တင်ရေစက်ချပြုကြလေသည်။ရွာသားများ၏စေတနာသည် အံ့သြချီးမွမ်းစရာ
ကောင်းလှသည်။စားစရာ မရှိချင်နေပါစေ
ဘုရားစေတီအတွက်လိုအပ်သမျှငွေကြေးကို
ခြစ်ခြုတ်လှူဒါန်းကြသည်။ထို့ကြောင့်
သူကြီးလုပ်သူလဲ တစ်ကျပ်တစ်ပြားမှ
လှူဒါန်းစရာမလိုတော့ပေ။
အောင်မြင်စွာတည်ထားကိုကွယ်လိုက်သော ရွာဦးစေတီကား အင်မတန်ကြည်ညိုစရာ
ကောင်းလှသည်။ရွာသားများ၏ ပျော်ရွှင်ခြင်းကို ကြည့်ကာ ဦးစီလုပ်ကိုင်သောလူတစ်စုလဲ
ဝမ်းသာပီတီဖြစ်ပြီး အပြုံးကိုယ်စီနဲ့ပေါ့။
သူတို့ထက်ပိုပြီး ပျော်နေသူကား သူကြီးပင်။
ရွာ၏ဂုဏ်ကိုဆောင်ရုံပင်မဟုတ်၊ သူကြီးရဲ့
ဂုဏ်ကိုယ်ပါ မြင့်နိုင်သည့်မို့ အားရဝမ်းသာ
မဆုံး တပြုံးပြုံးဖြစ်လို့နေသည်။
ဒီထက်ပိုပျော်စရာကောင်းသည်က တစ်ပြားမှ
လှူဒါန်းခြင်းမပြုရပါပဲ၊ အုတ်တစ်ချပ်၊သဲတစ်ပွင့်တောင် မှ မကိုင်ရပါပဲ ရွာသားတို့၏
စေတနာသဒ္ဒါတရားကိုအသုံးပြုကာ မိမိဂုဏ်
သိက္ခာမြင့်မားရေးအတွက် နောက်လာနောက်သားများ သိရှိစေရန် ဘုရားစေတီ၏ မုဒ်ဝ၌
"""" သူကြီးဘုရား'''''''ဟူသောဆိုင်းဘုတ်
အကြီးကြီးတင်လိုက်လေတော့သည်။ ရွာသားတို့လဲ ဆိုင်းဘုတ်ကိုဖတ်ကာ သူကြီးဘုရား ဆိုပါလားဟုသာ
ရေရွတ်ကြကုန်တော့သည်။
ရွာသားတို့၏ အလှူငွေ၊ လုပ်အားတို့၏
ကောင်းမှုအစုစုသည် ဘာမှမလုပ်ရသော
သူကြီးဘုရားဟုသာ အမည်တွင်သွားတော့သည်။
နာမည်တွင်တော့
...သူကြီးဘုရား ....
တကယ်တမ်း
ရွာသားကောင်းမှု......
ထို့ကြောင့်..
သူကြီးဘုရား...ရွာသားကောင်းမှုစကားပုံ
ထဲကသူကြီးလို အချောင်သမားပုဂ္ဂိုလ်ကြီးများသင့်ပတ်ဝန်းကျင်၌ တွေ့ခဲ့ပါက
အများကောင်းကျိုး သယ်ပိုးနေကြကုန်သော
သူတော်ကောင်းတို့ရေ...
ကိုယ့်စေတနာအတိုင်း ကိုယ်အကျိုးပေးမည်မို့
သည်ခံစိတ်လေးမွေးကာ
သာဓု ....သာခေါ်လိုက်ကြပါကုန်လော့...
မေတ္တာဖြင့်သာ ရေးသားပါသည်။
Credit - Han Tun Aung (p.ku)
Unicode version
No comments:
Post a Comment